ബാപ്പുവിന്...

-
ബാപ്പൂ..
അങ്ങയുടെ കഷണ്ടിത്തലയിലിരുന്ന്‍
കാഷ്ടിച്ച്
തിന്മകള്‍ ചിക്കിച്ചികഞ്ഞു
പുലഭ്യം പറയാനുള്ള
സ്വാതന്ത്ര്യത്തിനു പോലും
ഞങ്ങള്‍ അങ്ങയോട്
കടപ്പെട്ടിരിക്കുന്നു.

ബാപ്പൂ...
നന്മകള്‍ മാത്രമുള്ളവരെ
ഞങ്ങള്‍ കണ്ടിട്ടില്ല.
മുഖം നോക്കുന്ന
കണ്ണാടിയില്‍ പോലും.
(08/07/2012)

Comments

Post a Comment

Popular posts from this blog

നിറങ്ങള്‍

-
ശിവനമ്പലത്തിന്‍റെ കിഴക്കേ നിരത്തില്‍ അട്ടിയടുക്കിയിരിക്കുന്നതില്‍ മൂന്നാമത്തെ കട ഗോവിന്ദപ്പണിക്കരുടേതാണ്. അവിടെ വില്‍പ്പനയ്ക്ക് വരുന്ന ഓറഞ്ചുകള്‍ കടയ്ക്ക് പുറത്തേക്ക് ഒരു നാവുപോലെ നീണ്ടുനില്‍ക്കുന്ന തട്ടില്‍ മനോഹരമായി അടുക്കി വയ്ക്കാറുണ്ട്. എല്ലാ ഗ്രൂപ്പ് ഫോട്ടോകളും എന്നെ ഓര്‍മ്മപ്പെടുത്തുന്ന ദൃശ്യമാണിത്. ഇതാ ഇവിടെ ഈ ചിത്രത്തില്‍ മുകളിലത്തെ നിരയില്‍ ആദ്യ ഓറഞ്ച് രഘുനാഥ്, രണ്ടാമത്തേത്‌ ശരത്, മൂന്നാമത്തേത്‌... , നടുവിലത്തെ നിരയില്‍ .... , താഴെ ഇരിക്കുന്നതില്‍ ആദ്യത്തേത് ഞാന്‍ , രണ്ടാമത്തേത്‌ രമ്യ, .... പന്ത്രണ്ടാമത് ഗീതാനന്ദ്. പതിമൂന്നാമത് .... അയാളെ ഒരു തരത്തിലും ഓറഞ്ചിനോട്‌ ഉപമിക്കാനാവുന്നില്ല. ... സപ്പോട്ടക്കായ. അല്ല.. മുന്തിരിങ്ങ. പഴുത്ത് തുടുത്ത കറുത്ത മുന്തിരിങ്ങ. ഓറഞ്ചുകള്‍ക്കിടയില്‍ അവന്‍ വേറിട്ടു നില്‍ക്കുന്നു.
Read more

ദേശീയ പെന്‍ഷന്‍ പദ്ധതി: ഒരു പഠനം

-
കേരളത്തില്‍ 2013 ഏപ്രില്‍ 1 മുതല്‍ ദേശീയ പെന്‍ഷന്‍ പദ്ധതി (National Pension Scheme) പ്രാബല്യത്തില്‍ വരുത്താനും അതിനുശേഷം സര്‍വീസില്‍ പ്രവേശിക്കുന്ന ജീവനക്കാര്‍ക്ക് അത് ബാധകമാക്കാനും തീരുമാനിച്ചുകൊണ്ട് കേരള സര്‍ക്കാര്‍ ഉത്തരവ് പുറപ്പെടുവിച്ചിട്ടുണ്ട് (സ.ഉ.നം.20/2013/ധനകാര്യം തിയതി.07/01/2013).  ഈ സാഹചര്യത്തില്‍ ഈ  പെന്‍ഷന്‍ പദ്ധതിക്കുറിച്ച് വസ്തു നിഷ്ടമായ ഒരു പഠനമാണ് ഈ ലേഖനം നിര്‍വഹിക്കുന്നത്.
Read more

അരിക്കൊമ്പൻ - ഒരു കവിത

-
ഞായറാഴ്ച സ്പെഷ്യൽ ചിക്കൻ ബിരിയാണി ആസ്വദിച്ചു തിന്ന് ഏമ്പക്കം വിട്ടു ചാരു കസേരയിൽ ഒന്നു കണ്ണടച്ചപ്പോഴാണ് ഭാര്യയും മക്കളും കൂട്ടുകാരുമായി തന്റെ തട്ടകത്തിൽ ജീവിച്ചു വന്ന പാവം അരിക്കൊമ്പനോട് മനുഷ്യൻ കാണിച്ച സമാനതകളില്ലാത്ത ക്രൂരതയെക്കുറിച്ച് ഓർത്തത്. ക്രൂരമായ അഞ്ചു മയക്കുവെടികൾ... എന്നന്നേക്കുമായി കഴുത്തിൽ ഒരു റേഡിയോ കോളർ.... കുലം കുത്തികളായ കുങ്കിയാനകൾ ശരീരത്തിലും മനസ്സിലും തീർത്ത ഉണങ്ങാത്ത മുറിവുകൾ.... അറിയാത്ത ദേശത്തേക്കുള്ള ക്രൂരമായ നാടുകടത്തൽ... കരളലിയിപ്പിക്കുന്ന ഒരു കവിത എഴുതിയാൽ അത് പൊളിക്കും. പേനയെടുത്തു... അന്നേരമാണ് ഇതൊന്നു വായിച്ചു നോക്കി തിരുത്തി തരൂ എന്ന് പറഞ്ഞ് മകൻ ഒരു കടലാസ് കൊണ്ടു വന്നത്.   ചിക്കൻ ബിരിയാണിയിലേക്കായി ജീവൻ നഷ്ടപ്പെടുത്തേണ്ടി വന്ന ഒരു പൂവൻ കോഴിയുടെ കുടുംബത്തിന്റെ വിലാപകാവ്യം.  ഭർത്താവ് നഷ്ടപ്പെട്ട പിടക്കോഴിയുടെ നിലവിളി... അച്ഛൻ നഷ്ടപ്പെട്ട കോഴിക്കുഞ്ഞുങ്ങളുടെ ദൈന്യത നിറഞ്ഞ കണ്ണുകൾ.. അറിയാതെ കൈ മണത്തു പോയി. ആ മണം പോയിട്ടില്ല. ഹോ..  കവിത എഴുതാനുള്ള ആ മൂഡ് അങ്ങു പോയി....
Read more